Орон нутгийн үйлдвэрлэгчдийнхээ бараа бүтээгдэхүүнийг зах зээлд борлуулж, эргэлтийг нэмэгдүүлэх үндсэн зорилго бүхий “СЭЛЭНГЭ УРГАЦ 2021” үзэсгэлэн худалдаа Сүхбаатар сумын Партизаны талбайд зохион байгуулагдаж байна.
Үзэсгэлэн худалдааг аймгийн Засаг даргын орлогч Ж.Сайнцог нээж, өрхийн үйлдвэрлэгчдийнхээ хийж бүтээж байгаа бүхнээр бахархаж байгаагаан илэрхийлээд нийт иргэддээ худалдан авалтаар бие биенээ дэмжихийг уриаллаа.
Үзэсгэлэн худалдаагаар хүнсний гол нэр төрлийн шинэ ургацын төмс, сонгино, лууван, саримс, байцаа, даршилсан ногоонууд, цагаан идээ, ноос ноолууран эдлэл, тарьц суулгац, зөгийн гаралтай бүтээгдэхүүнүүд худалдаалагдаж байгаа бөгөөд Шаамар сумын иргэд үзэсгэлэн худалдаанд оролцож байна.
Та бүхэн өргөнөөр үйлчлүүлж, нутгийн үйлдвэрлэгчдээ дэмжээрэй.
